Sunday, February 6, 2011

எச்.ஆர்.டியில் ஒரு காலா 2, ஜனவரி 27


எச்.ஆர்.டியில் ஒரு காலா 2

யாருடைய வேலை கஷ்டம் என்பதில் எனக்கு இன்னும் இரு விதமான கருத்து இருந்தது. எச்.ஆர்.டியின் கஷ்டங்களை பார்த்த பின்னும் எங்கள் வேலை சுலபம் என்று ஒத்துக் கொள்ள முடியவில்லை. ISO சர்டிஃபிகேஷன், ப்ரோக்ராம் ஃபால்ட், டெட்லைன், க்ளையன்ட் ஸேடிஸ்ஃபேக்ஷன் என்று எங்கள் பக்க பிரசினைகளை அடுக்கிக் கொண்டே போகலாம். ஆயினும் புதிதாக ஒன்று விளங்கியது. ஸ்ரீராம் கேபினில் நடந்தது ஒரு பயங்கரமான கார்ட்டூன் படம் போல இருந்தாலும், எனக்கு ஏனோ ஒரு விதத்தில் அர்த்தமாகப் பட்டது. 

ஒரு சாஃப்ட்வேர் ப்ராஜக்ட் முடிந்து க்ளெயண்ட் டெலிவரிக்குப் பின்னர். ஒரு வெறுமையையும், அர்த்தமற்ற தனத்தையும் உணர்வேன். இதற்கு முந்தைய ப்ராஜக்ட் ஒரு பேங்கிங்க் சிஸ்டம். இம்ப்ளிமெண்ட் ஆகி ஒரு மாதத்திற்குப் பிறகு சிஸ்டம் எப்படி வேலை செய்கிறது என்று பார்க்க சென்றிருந்தோம். அங்கிருந்த க்ளர்க் என் கையைப் பிடித்துக்கொண்டார். "பிரமாதம் சார்! எல்லாம் ஹெட் ஆஃபிஸ் பார்த்துக்குவாங்க. வர ட்ரான்ஸேக்ஷனை என்டர் பண்ணி அனுப்புறதுதான் எங்க வேலை." என்றார். 

அதற்கு முந்தையது ஒரு ரீடெய்லிங்க் சிஸ்டம். இம்ப்ளிமெண்டேஷன் ரெவியூவிற்கு போயிருந்தபோது அந்த கம்பெனியின் ஜிஎம் ஏகத்துக்குப் பாராட்டினார். "எக்ஸலன்ட் சார். டெய்லி ரீடெய்ல்ஸெல்லாம் டேலி பண்ணி காலைல இன்வெண்டரி, பர்சேஸ் லிஸ்ட் எல்லாம் கொடுத்துறுது. என்ன லிஸ்டுன்னுகூட பார்க்க தேவையில்லை. அப்படியே பர்சேஸ் டிபார்ட்மெண்டுக்கு அனுப்பிட்டா, அவுங்க லிஸ்ட்படி வாங்கி ரிடெய்ல்ஸுக்கு அனுப்பிராங்க. ரொம்ப ஸ்மூத் சார். இதுனால இன்வெண்டரிகூட ரொம்ப குறைஞ்சு போச்சு. எக்ஸலன்ட். எக்ஸலன்ட்." என்றார்.

யாரும் இந்த ப்ராஸஸில் அந்தந்த தொழிலின் தன்மையை இழந்துவிடுவதை உணரவில்லை. பேங்க் க்ளர்க் வாடிக்கையாளர்களின் செக்கை வாங்கி, உடனேயே அவரது லெட்ஜர் பக்கத்தில் எண்ட்ரிப் போட்டு, அவருடைய பேலன்ஸ் பார்த்து, அவர் எத்தகைய கஸ்டமர், எவ்வளவு பண வரத்து வைத்திருக்கிறார் என்று ஒவ்வொரு கஸ்டமரையும் எடையிட்டு வைத்துக்கொள்ளும் வங்கியின் ஆதார செய்கையை மறந்துவிடுகிறார். அது போல் பல்பொருள் அங்காடி மேனஜர் எவ்வளவு சரக்கு விற்றிருக்கிறது, எவ்வளவு சரக்கு வாங்க வேண்டும் என்று கணக்கிட்டு அங்காடியின் அன்றாட வியாபாரத் துடிப்பை உணர்வதை எளிதில் விட்டு விடுகிறார். அவர்கள் சாஃப்ட்வேர் சிஸ்டத்தின் ட்ரெண்டிலும் பளபளப்பிலும் மயங்கி, சிஸ்டத்தினால் வரும் வசதி பெருக்கத்தையும், அதனால் ஏற்படும் கூடுதல் லாபத்தையும், குறைந்த செலவையும் கணக்கிட்டுக் கொண்டிருக்கின்றனர்.

இம்ப்ளிமெண்ட் பண்ணும் சாஃப்ட்வேர் கம்பனிகள் இம்ப்ளிமெண்ட் செய்யப்படும் சிஸ்டத்தின் தொழில் தன்மை குறையாமல் சிஸ்டம் டிசைன் செய்யலாம் என்றால், அவர்கள் கம்ப்யூட்டர் செய்யும் சாகஸங்களில் மெய்மறந்து, அவற்றின் போக்கிலேயே சாஃப்ட்வேர் செய்து, அடிப்படையான வியாபரத்தன்மையைக் குறைத்துவிடுகின்றனர். இந்த கருத்தை மேனஜ்மெண்ட் முன் வைத்தாலும், இத்தகைய கருத்து எழுதும் சிஸ்டத்தை ஸ்லோ டௌன் பண்ணும் என்பதாலும், கம்ப்யூடர் மற்றும் சாஃப்ட்வேரின் முழு ஆற்றலை பயன்படுத்தாது என்பதனாலும், அதனால் அவர்கள் பிசினெஸ் பாதிக்கப் படும் என்பதாலும் ஏற்றுக்கொள்ள மாட்டர்கள். இல்லையெனில், "திஸ் இஸ நியூ ஆர்டர். யு பெட்டர் நாட் இன்டர்ஃபியர்" என்று சொல்லி விடுவார்கள். என்ன ஆர்டர் என்று அறுதியிட்டு கூறமாட்டார்கள். ஒவ்வொரு இம்ப்ளிமெண்டேஷனுக்குப் பிறகும், அந்த இடத்தின் உணர்வுத் தன்மையைக் குறைத்து லாபம் பண்ணுவது போன்ற ஒரு கணக்கிடும் தன்மையை உயர்த்தி வைத்து விடுவதால், ஒரு குற்ற உணர்வும் மன வெறுமையும் ஏற்படும். இந்த சூழ்நிலையில் ஸ்ரீராம் கேபினில் நடந்த சம்பவங்கள் புத்துணர்வாகவும், மனத்துக்கு மகிழ்ச்சியாகவும் இருந்தன. 

The ideas mentioned here on the computer system, mentioned in the last four five paragraphs, should not be attributed to be my ideas. Since this is a fictitious story, I took an independent thinking, but a credible thinking anyway. None the less, this need not be my thinking on computers. I would rather do as per the practices of the industry, and try to mellow down the overwhelming characteristics of the computers, in the flow. In reality even that may be difficult to do. The form of implementations usually depends on the computer companies, regulating authorities and the client companies. We just have to go with it. Unfortunately they do reasonably well in the West, but our implementations sorely lack control and almost trace to the descriptions mentioned above. 

Some descriptions in the earlier part of the story on the software industry may not be accurate even be inapplicable in today's Industry's state of affair. As this story was conceived way back in 2000 which was the beginning of all this ISO Certifications. Character dissection of software development was an issue with these certifications. Now it, the processes of development in compliant, should have been brought under control. 

BUT, the descriptions given in the end part of the story, is even more true now more than in 2000.

No comments:

Post a Comment